وقالت الفنانة ميرفت أمين خلال مداخلة هاتفية في برنامج مساء DMC المذاع عبر شاشة قناة DMC، مع الإعلامي رامي رضوان إنها تعرضت لأكثر من شائعة خلال الفترة الماضية منها ما أثير حول زواجها، والثانية هي شائعة مرضها ثم وفاتها، وعلقت على ذلك موضحة: “الموت والزواج مش بيستخبوا، وأنا ليه صايبني السوشيال ميديا طول الوقت”.
وتابعت: “بيتكلموا في العزاء وإن شكلها مهمومة، هل أنا مطالبة أروح العزاء بالميك آب؟ الناس على السوشيال ميديا مش بيقدروا إن فيه ناس ممكن تكون بعيدة عني ومش متواصلة معايا طول الوقت؟ أو بنتي في مكان مش قادرة توصل لي الناس بتتخض، أنا اتعودت على دا من فترة ولكن اللي حواليا بتضايق عشان بيتأثروا مش عارفة ليه الأذية للناس اللي حواليا”.
كما أشارت أنه معروض عليها خلال الفترة الحالية عملين دراميين، قائلة: “هختار ما بينهما واحد الفترة الجاية”.