وجه محمد صلاح أبو جريشة ومحمد فضل ثنائي الاستوديو التحليلي بقنوات أون تايم سبورتس انتقادًا لحمزة الجمل المدير الفني لفريق الإسماعيلي بسبب كثرة تصريحاته خلال الفترة الأخيرة.
وخرج حمزة الجمل بعد مباراة الأهلي والإسماعيلي في الدوري، وكشف بعض التفاصيل التي حدثت داخل معسكر فريقه بعد الهزيمة من المصري برباعية ضمن منافسات الدوري الممتاز.
وقال محمد صلاح أبو جريشة: “هو حمزة حبيبي بس عاوزه يقل شوية، مينفعش كل ماتش اقول الملابسات اللي حصلت في الماتش واللي قبل الماتش واللي في التمرين واوضة اللبس كان فيها ايه، مينفعش انا مدير فني لنادي كبير”.
وأكمل: “الطبيعي أني اتكلم اخر الموسم جيت في وقت حرج والدنيا مشيت كويس والحمد لله بقينا في وضع أقوى بكتير من الأول لكن أنا باجي في اخر الموسم كمدير فني لنادي كبير أقول حصل معايا خلال الموسم كذا وكذا وكذا واتعاملت معاها كذا وكذا وكذا مش كل ماتش محتاج شوية يقلل من التصريحات هو واللي موجودين في النادي لأن التوقيت حرج جدا انك تتكلم كتير”.
من جانبه قال محمد فضل: “كابتن حمزة بحبه جدا كان مدربي هو واضح انه كان مضغوط جامد جدا طلع كلام ولا في وقته ولا ده كابتن حمزة ده ضغط جامد جدا”.
وأضاف فضل: “في كلام مش حقيقي بيقول أنا دارس فريق الأهلي أنت كدة درست الأهلي؟ دول ناشئين النادي الأهلي ده انت عندك 20 لاعب غايب عن النادي الأهلي ده ماتش من أسوأ الماتشات في تاريخ الدوري المصري والفريقين فنيا وتكتيكيا ونفسيا وجماهيريا احنا بنتكلم كلام كتير جدا بس ده ضغط فأنا هديله عذره انه مضغوط لأن الإسماعيلي كان بيمر من 5 أسابيع بفترة صعبة جدا”.