روت الفنانة نشوى مصطفى، موقفًا إنسانيًا للفنان الراحل هشام سليم، يكشف عن مدى حبه لتقديم يد العون لزملاءه في الوسط الفني.
حيث كتبت “نشوى” من خلال حسابها الرسمي على موقع التواصل الاجتماعي “فيس بوك” ، منشورًا قالت فيه: “فتكرت حاجة عن هشام سليم يمكن مش كتير يعرفوها، في يوم راجعة من التصوير وكان فيها استاذة ممثلة كبيرة الله يرحمها اسمها ثريا إبراهيم، قالت لى نشوى معنديش عربية توصلينى في طريقك لأقرب مكان أنزل اخد تاكسي، فقلت لها تاكسى إزاي حوصل حضرتك لباب البيت”.
وتابعت: “واحنا ماشيين قالت لى عارفة الشقة اللي حتوصلينى ليها دى مين جابهالي، قلت لها مين؟، قالت لي: شيريهان، وحكت لي إنها كانت بتشتغل معاها مسرحية شارع محمد على وكانت بتيجي كل يوم من طنطا للقاهرة وترجع تاني لأن بيتها كان هناك، ولما شريهان عرفت قالت لها شوفي الشقة اللي تحبيها وانا حاشتريهالك، ولما اشترتها كانت فرحانة أوي، وواصلت، لما هشام عرف بارك لها وقال لها فرشتيها ولا لسه، قالت له فرشتها، قال لها كان نفسى أفرشهالك”.
نشوى مصطفى: هشام سليم طلب من الفنانة الكبيرة تدعيله
وأضافت: “قالت له وهى بتهزر طيب ما تعمل حاجة تانية قال لها تحت أمرك، قالت له نفسى أحج، تانى يوم لقت شركة سياحة بتكلمها وبلغتها أن هشام دفع كامل التكلفة وكانت 50 ألف جنيه، وهي رايحة عطاها مصروف الرحلة وقال لها ادعي لي”.
